Poet Kamal Farid

  بمناسبة ذكرى شهداء الأقباط في ليبيا الذين رفضوا التخلي عن دينهم المسيحي، وفضلوا الإستشهاد . --- التحية يا صعايدة التحيه يا صعايده يا رجال والدنيا شاهده يا اللي فارقتو الحياه وانتو عاليين الجباه حتى ونتم مدبوحين إ ندبحتم صامدين قلتو ديننا أغلى دين مش هنقبل دين سواه نفسي أعرف إنتو مين؟ شهدا وللا قديسين؟ وللا أحفاد الفراعنه ...إللي منهم جينا احنا واحتفظنا بأغلي چين :    چين جدودنا الفراعين أهل مصر الطيبين إللي اتحدوا السنين من زمانهم للنهارده     ونتو همه يا صعايده التحية يا صعايدة . د. كمال فريد .  

  غلطة مين؟ (زجل عن د. سيد القمني حين  هدده الإرهابيون بقتل أولاده ففكر في الإعتزال حرصا عليهم)  (ولكنه استمر في الكفاح رغم التهديد) د. كمال فريد إسحق غلطة مين ؟ باسأل روحي غلطة  مين؟   باسأل  غيري غلطة  مين؟ واسأل كل الناس "فيه إيه؟":  سؤال مش لاقي رد عليه وانت يا سيد ساكت ليه؟     لو هتقول كلنا سامعين: يمكن نعرف غلطة مين . --- باسأل  روحي غلطة مين باسأل  غيري غلطة مين: لمَّا الضلمه تطفِّي النور     لمّا الحق  يبات مقهور لما القوه بتلوي ذراعي    ويكسر ليا فتوة صباعي  باسأل  روحي وقلبي حزين : غلطة مين؟ غلطة مين؟ سؤال مش لاقي رد عليه.    وانت يا سيد ساكت ليه؟ لو هتقول كلنا سامعين  :    يمكن نعرف غلطة مين . هافضل أنادي شمال ويمين    هافضل انادي وقلبي حزين غلطة  مين ؟ --- لو تتكسـّر الاقلام ؟  لو تتبدد الاحلام ؟  والحريه تكون اوهام:  غلطة مين؟ لو تتكمم الافواه ؟ لو تتهدد اي حياه ؟ علشان راي في يوم...

  مشاعر مهاجر شعر: د. كمال فريد ---  قصيدة "مشاعر مهاجر" --- شعر: د. كمال فريد إسحق --- وطني ... مش بلدي عشان أنا فيه موجود وطني ... مش بلدي عشان أنا فيه مولود وطني ... مش بلدي عشان فيه ليَّا جدود وطني ... مش إسم وأرض وناس وحدود وطني ... لو حاسس فيه إن انا مرفوض هيبقى كإنه مالهش وجود. وطني ... مش بلدي عشان فيه ليَّا اخوات وللا عشان فيه ... أولاد وبنات ولا حتى عشان ..  ده يبقى مكان .. كان ليَّا زمان: وطني مش وطني وانا فيه باتهان .. معنى الأوطان: إحساس بأمان إحساس بكرامة .. وبإطمئنان. --- بلدي ... ماهياش بلدي ولا أرض ابويا وجدي ولا أرض بنتي وولدي مش مطرح مااتولدت ولا مطرح ما اترعرعت ولا ارض الذكريات وحكاياتي واللي فات ولا حتى عشان فيها اتربيت وللا اتنططت فيها وجريت ولا حتى لعبت ، ووقعت وقمت ، وصحيت أو نمت بلدي ما تبقاش بلدي ولا ارض أبويا وجدِّي لو احس فيها بغربة لو ألقى فيها محاربة  هتبقى إيه غير تربة؟ وسببها أخويا إبن امي وابويا اللي ع الكره اتربَّى.   --- وطني .. مش اي مكان كان ليَّا زمان فيه نكره بعض ونقول إخوان .. وطني الإنسان ...

  احتفالية اليونسكو بالحضارة القبطية في باريس https://m.facebook.com/story.php?story_fbid=10220595175243047&id=1044336571

مهرجان القاهرة الدولي السابع للأغنية  أشعار د. كمال فريد  باللغات العربية والإنجليزية والفرنسية https://drive.google.com/file/d/1IcvDtzrFmS7vjOP80QCewU5MKRMumMrf/view?usp=sharing

https://drive.google.com/file/d/1dUxXXnj8gYKG7uVWRC9SsaSMOTxTlPi_/view?usp=sharing زجل الجمعة الحزينة د. كمال فريد

        جريمة عظيمة أبونا مات ودمه في رقبة مين؟ وأبونات: أبونات كتير تانيين أبونا مات بالكوفيد : دمه في رقبة مين؟ في رقبات أناس كتير جاهلين: ليهم عينين ولكنهم مش شايفين ليهم عقول ولكنهم مش عاقلين وما تقولوليش دا همه مش قاصدين قاصدين مادام قالولهم العارفين إن الوباء مرض خطير ولعين وكانوا بيه وبكل شيء داريين خلوا الكنايس مصايد تئذي مؤمنين خلوا التناول فخ للي مش فاهمين والعدوى زادت والطايفة ماتت وخلوا قلبي حزين يعني جريمة عظيمة وهمه مسئولين جريمة منهم همه ماهيش جريمة دين. د. كمال فريد