Poet Kamal Farid

 https://m.facebook.com/story.php?story_fbid=pfbid02sLjpLhuNNhEVroUZ4iQxLGcmDpRJVxJ9MMEa9WX8KrjG3sSHnpqRMduiWanssWZTl&id=1044336571&mibextid=Nif5oz مبارك شعبي مصر Holy Family in Egypt 

  سيدة الكرم : الساكت عن الحق شيطان أخرس: زجل حين كتبته كان عندي أمل أن يتقدم بشهادة الحق أحد رجال القرية، كما يأمره دينه، ولكن ربما كانت القرية خلت منهم. ---  جريمة ثابتة والمجرم .. القرية كلها شايفينه يا ريت في واحد يتقدم .. يشهد عشان ينصر دينه اللي بيصلي ويتعبد: لو عنده نخوة ومروة أو دينه بيقولله يشهد بالحق: يبقى فين هوه؟ ---  قالوا الأدلة ماهيش كافية: حاكموا اللي خبوا أدلتها أو حتى ماتحاكموا القرية اللي بندالة عملتها واستنكروا الإيديولوچيا اللي وراها وباركتها عشان بلدنا تعود راقية وتعود إليها حضارتها د. كمال فريد  ---

 زجل كل الناس غلابة د. كمال فريد  ---  كل الناس غلابة وحتى الديابة كانوا أصلا غلبانين الدنيا قست عليهم ولا حدش حس بيهم وكانوا مطحونين دي الدنيا وحشة قوي بيفجر فيها القوي وييجي عالضعيف ون فضلت البشرية ماشية في السكة ديه مستقبلها مخيف  ياريت تحس بغيرك ويبقى كتر خيرك وتكون معاه لطيف انا عارف إنك طيب والخير ليك قريب وكمان قلبك نضيف. --  يا ريت يا ناس تحسوا بالناس وإوعوا تنسوا الدنيا دي دوارة  واللي انت فاكره مكسب ساعات بيبقى مقلب ونهايته تبقى خسارة  اختار طريق الخير وإسعد بحب الغير دي المحبة شطارة جربها عشان تنجح وفي الحياة تفلح دي نتيجتها جبارة دالحب هو الافضل بيخلي الدنيا اجمل والعيشة تكون نوارة. د. كمال فريد.

زجل شمعة ---   شمعة ورح تنطفي وكلنا نختفي  ولا يبقى لينا وجود واللي فات اختفى سراب ومالهوش صفة ولا عمره يوم هيعود  عيش بقى لحظتك.  دور على متعتك  بلا غلط وحرام  وإدعي تكون آخرتك   الذ من دنيتك   وكله يبقى تمام.  واسأل على غيرك   وإديله من خيرك  عشان يعيش مرتاح  والناس تعيش في سلام.  وتعدي في الأيام   من غير تعب وجراح  ---  .كمال فريد.     

زجل ---  سرحان ليه ---  سرحان يا راجل ليه أيه اللي شاغلك ايه؟ ان كان على ماضي ارميه وراك وارتاح عمر الهموم يابني ما ترجع اللي راح ون كان في مستقبل بكره في علم الغيب ممكن يكون اجمل لما الجراح هتطيب مالكشي شيء ملكك يابني غير الحاضر وحل مشكلتك انك تكون شاطر عيش حياتك فيه وقد ما هتديه هو كمان يديك  الحلو ويهنيك وتفرح يا راجل بيه. بدل ما تبكي عليه. قوم واشتغل واتعب وشوف ورانا إيه مالك متنح ليه؟ ---  د. كمال فريد

زجل:  ياترى ليا حق؟ وللا لأ؟ ---  د. كمال فري ---    يا ربنا يا كبير   تعبت م التفكير لما انت كاتبلي الألم فين حقي بأه في النعم؟ فين حقي في المتعة؟ فين حقي في اللذة؟ مش يبقا من حقي كاس بيرة بالمزة؟ قعدة مع المزة؟ او بطة او وزة؟ آكلها واتهنى ليه بس استنى وعد بالجنة وانا اللي شقيان في اغلب الأحيان في عيشتي في الدنيا ارحمني دانا انسان وعندي احتياجات في حاجات كتير تانية   ومادام خلقتلي قلب من حقي إني أحب من حقي اتمتع واتهنى وأبقى أب وزي ما دقت الألم المتعة هيا العوض وللا الالم وحده هو اللي بس انفرض؟ العدل غير كدا صحة قصاد المرض لذة قصاد الشقا متعة قصاد الألم والعيشة الضيقة قصادها عز ونعم مش كله ذل وكرب  مش كله لطم وضرب يا رب يا حنين العدل بيقول لأ :والحلال بين المتعة لينا حق ---  د، ك مال فريد